"Лезги газет" - 100 Юбилей  |  8(353) 2021  |  САМУР
    Играми «Лезги газетдин» кIвалахдарар!
    Чи милли журналистикадин устадар!
    «Самур» газетдин редакциядин кIвалахдаррин ва чи газет кIелзавай вирибурун тIварунихъай чна Квез баркаллу юбилей, «Лезги газетдин» 100 йис тамам хьун рикIин сидкьидай мубаракзава!
    Куьне хайи халкьдин девлетлу, тикрар тежер тарихда гьамишалугъ яз амукьдай 100 йисан гел тунва. Лезги чIални меденият вилик тухунин, чи ватанэгьлийрик руьгь кутунин, республикада кьиле физвай вакъиайрикай делилар авайвал халкьдив агакьарунин кардик чIехи пай кутунва.
    «Лезги газет» тай авачир, чи журналистикадин кукIушар рамнавай, гьар гьафтеда лезгийрин агъзурралди хизанрин играми мугьман хьиз вил алай багъри газет я. Хайи халкьдин руьгь хуьзвай, фасагьат чIалал кхьизвай, рикIиз таъсирдай макъалайралди адан гележегдихъ гелкъвезвай Куьне датIана чIугвазвай зегьметдин и кьил, а кьил авач. Чи халкьдин дамах тир «Лезги газетди» вичин баркаллу рехъ гьа икI гележегдани давамаррай.
    Квехъ инлай кьулухъни чIехи агалкьунар хьана кIанзавай, Куь гелера аваз гележегдихъ физвай «Самур» газетдин кIвалахдаррин ва кIелзавайбурун тIварунихъай
 
«Самур» газетдин коллектив