Тахьай хьтин муьгъ Хабарар  |  4(349) 2021  |  САМУР
   Мугъанлы-Исмаиллы-Къебеле шегьредин Агъсу вацI авахьзавай чкадал чи республикада икьван гагьди тахьай хьтин муьгъ эцигиз гатIуннава. Муькъуьн яргъивал 1135 метр, кьакьанвал 76,5 метр жеда. И карди исятда менфят къачузвай рехъ 9,7 километр кьван куьруь ийидай мумкинвал гуда. Муьгъ эцигайдалай кьулухъ шегьредин яргъивал тIимил хьана, вири санлай 76,8 километр жеда. Шегьре вични гуьнгуьна хутада. Алай вахтунда кьве зулуникай туькIуьрнавай рехъ кьуд зулуниндаз элкъуьрда.
    Гьа са вахтунда и рекье вичин яргъивал 865 метр тир, дагъдин кIаникай физвай тунелни кардик кутада. Тунелдин гьисабдай рехъ мадни 9 километр кьван куьруь хъжеда. Алай йисуз Агъсу, Гулян ва Демирапаран вацIарал кьуд зулунин мад 3 муьгъ эцигда.