ЦIийи рекьер тухуда Хабарар  |  1(346) 2021  |  САМУР
    Къарабагъдин эрмени чапхунчийривай вахчунвай чилерал цIийи рекьер тухудай крарик кьил кутунва. Кьилин рехъ Гьорадиз-Миндживан-Эрменистандин сергьят тIвар ганвай шегьре жеда. И рекьин Гьажикъабулдинни Гьорадиздин арада авай чIук цIи-йикIа туьхкIуьрна кардик кутунва. Гьорадиздай Эрменистандин сергьятдал физвай рехъ чапхунчийри кьиляй-кьилди чукIурнава ва гьавиляй цIийи рехъ тухвана кIанзава. 
    Алай вахтунда Шуша шегьердизни девирдин стандартрив кьадай шегьре тухузва. И кар паталди Туьркиядин кьве ва чкадин са компания желб авунва. Кьилин рехъ кьуд, куьмекчи рехъ кьве зулунинди жеда. ЦIийи шегьре тухудай крар 1,5 йисуз кьилиз акъудда. 
   Азербайжан Республикадин Президент Илгьам Алиеван 2020-йисан 17-ноябрдин серенжемдив кьадайвал, Агьмедбегли-Фуьзули-Шуша рекьин яргъивал 101,5 километрдив агакьда. Рехъ тухун патал эвелдай 50 миллион манатдин такьатар чара авунва.