Сейлибуру лагьанай... Чир-течир  |  10(326) 2018  |  
     Заз жуван хайи лезги чIал хьиз араб, фарс, туьрк, урус чIалар, гьакIни Дагъустандин халкьарин 12 чIал чида. Ингье за кIвенкIве жуван чIалал фикирда, жуван чIалал веревирдер ийида. И муаллим хьаначиртIа, завай маса чIаларни чириз жечир. Хайи чIалан къадир хьухь!
 
Гьасан Алкьвадарви
 
     Вахтар алатунивай гафар тарихдиз элкъвезва. Халкьдихъ лайихлу тарих хьун патал лайихлу гафар, а гафар хуьз алакьдай рухваярни кIанда. ИкI хьайитIа, хайи чIал рекьидач, виликай къвезмай несилрал агакьда. Жуван гафар, жуван чIал хвейи халкь тарихда эбеди я.
 
Нажмудин Самурски
 
 
     Гафар чпин авазар авай музыка хьиз я. Хъсан гафари рикIин телер юзурда. Шаирди вичин шиирар паталди гафар жагъурзавайвал, манидар вичин манидиз кутугай чIаларихъ гелкъвезвайвал, инсанарни сад-садахъ галаз жуван хайи гафаралди рахана кIанзава. Гьар са халкьдин чIал ам хуьзватIа, адакай менфят къачузватIа, ам вилик тухузватIа иер я.
 
Готфрид Гьасанов
 
 
     Гафунихъ чIехи къуват ава. Виш йисара уьмуьрзавай гуьмбетар гафаривди хкажзава. Ихьтин гуьмбетар хкажзавай инсанар чIехи къагьриманар я. Вичин хайи чIалалди тарихдин гуьмбетар эцигзавай халкь тарихдин сегьнеда эбеди яз амукьда.
 
Хасбулат Аскер Сарыджа