Сад лагьай милли парк Хабарар  |  5(321) 2018  |  САМУР
     Дагъустан Республикадин сад лагьай милли парк арадал гъун патал «Самур» тIвар ганвай чIехи проект гьазурнава. Алай йисан 21-июндиз парк тешкилунихъ галаз алакъалу яз Докъузпара районда проектдин авторрин, ам кьилиз акъудна кIанзавай тешкилатрин чIехибурун, чкадин агьалийрин векилрин иштиракдалди мярекат кьиле фена. Инал парк гьикI тешкилдатIа, адак гьин чилер акатдатIа ва маса месэлаяр гьялна.
     Алай вахтунда Россиядин чилерал 105 къурух ва 45 милли парк ала. «Самур» 46 лагьай милли парк жеда. Адак Самур вацIун гьуьлуьз мукьва чилерилай Шалбуз дагъдалди авай чкаяр, са гафуналди, вири Докъузпара район, 56000 гектардин чилер акатда.