ЧIехи сувар Хабарар  |  11(316) 2017  |  САМУР
     Алай йисан 6-августдиз Туьркияда лезги халкьдин меденият ва адетар теблигъзавай Балыкесир шегьердин «Дагъустан» кIватIалди Кирне (цIийи тIвар Ортажа я) хуьре «Лезги гъед» тIвар гана кьиле тухвай суварин суракьар вириниз чIкана. КIватIалдиз регьбервал гузвай кьегьал лезгияр Яшар Сабри Дуьндера ва Рамазан Кора арадал гъайи и мярекатда Бурса, Измир, Балыкесир шегьеррай, Туьркиядин лезги хуьрерай атай вишералди инсанри иштиракна.
     Суварин юкъуз «Lezgi Yıldızı» («Лезги гъед») кьуьлерунин ансамблди тамашачийриз лезгийрин шумудни са кьуьл ийидай макьамар къалурна. Эхирдай вирида лезги гамарин ярашух тир лезги гъетер алай халичайрин патав шикилар ягъана.