Лезги чIалал фильм Хабарар  |  11(316) 2017  |  САМУР
     Хайи чIалални медениятдал рикI алай чи ватанэгьлияр шадардай мад са кардик кьил кутунва. ТIвар-ван авай къелемэгьли Седакъет Керимовадиз виликай къвезмай йисуз вичин Азербайжанда ва Туьркияда чап хьанвай «Къайи рагъ» пьесадин бинедал алаз лезги чIалал художественный фильм чIугваз кIанзава. И кар патал герек тир гьазурвилерни акунва.
     Кьве жегьилдин бахтсуз муьгьуьббатдикай - Ватандин ЧIехи дяве себеб яз гъурбатдиз акъатай, Туьркияда вичиз кIвал-югъ авур Ярметанни, уьмуьрдин эхирдалди хайи хуьре адан рехъ хвейи Яргунатан кьадар-кьисметдикай рахазвай фильмда чи халкьдин ацукьун-къарагъун къалурзавай адетрикай, этнографиядин ва фольклордин элементрикай гегьеншдиз менфят къачуда.