Вакъиадиз элкъвей ктабар Хабарар  |  11(316) 2017  |  САМУР
     Чи зарийрин 2017-йисуз чапдай акъатай бязи ктабар чIехи вакъиадиз элкъвена. Туьркияда Седакъет Керимовадин «Лезгия» тIвар ганвай ктаб туьрк чIалал басма хьана. Бакуда ада гзаф йисара зегьмет чIугуна кIватIай чи манийрин кьве ктаб - Азербайжандин Милли Илимрин Академиядин Фольклордин Институтди «Кьадардал гьалтайла тIимил халкьарин фольклор» сериядай яз, «Азербайжан» чапханади лагьайтIа, «Зи зари халкь» тIвар алаз чапдай акъудна. Дагъустандини  Гьукуматдин Университетдин профессор Гьажи Гашарова кхьенвайвал, и ктабар кIелдайбурухъ дамах кутадайбур хьанва.
     Алай йисуз Дагъустандин СтIал Сулейманан райондин «Куьредин ярар» меркезди чапдай акъуднавай, XVII виш йисарилай инихъ шиирар теснифай 100-дав агакьна шаиррин эсерар гьатнавай «Лезги чIалан аламатар: хайи чIалакай шаиррин эсерар» ктабни кIелдайбуру гзаф хушдиз кьабулна.