ТIвар гана Хабарар  |  11(316) 2017  |  САМУР
     ЦIинин йисан тарихдиз элкъвей вакъиайрикай сад 1994-йисуз КцIар райондин Яргун хуьре дидедиз хьайи Чингиз Салманан хва Къурбанова Къарабагъда эрменийрин нубатдин вагьшивилерин вилик пад кьадай чIавуз къалурай къагьриманвилериз Азербайжандин вири халкьди гайи чIехи къимет хьана.
     Кьегьалвилелди гьелек хьайи, вичин кIвачел вири уьлкве къарагъай Чингиз Къурбанован КцIарин шегьидрин хиябанда кьиле фейи тазиятда военнийри, Милли Межлисдин депутатри, вишералди ватанэгьлийри иштиракна. Азербайжан Республикадин Президент Илгьам Алиеван серенжемдалди кьегьал лезги Ч.Къурбановаз «Азербайжандин Милли Къагьриман» тIвар гана.