Самурдал цIийи муьгъ Хабарар  |  9(314) 2017  |  САМУР
     Азербайжандинни Россиядин гьукуматри Самур вацIал цIийи автомобилдин муьгъ эцигун къарардиз къачунва. И кардихъ авсиятда кьве гьукуматди 2013-йисан 13-сентябрдиз талукь икьрар кутIуннай. И йикъара гьа икьрардив кьадайвал, и кардиз жавабдар тир Россиядин министр Максим Соколов ва Азербайжандин министр Рамин Къулузаде кьиле аваз Азербай­жандин Самур ва Дагъустандин Ярагъ Къазмаяр пунктарал эцигунар гатIундай мярекатар кьиле фена.
     ЦIийи муьгъ эцигун патал гьукуматри санал 1,2 миллиард рубль (35 миллион 640 агъзур манат) серфда. Гьар гьукуматди и такьатрин 50 процент гуда. Муькъуьн яргъивал 325 метр, гьяркьуьвал 17,3 метр жеда. Ам 2019-йисан гатфаралди эцигна куьтягьда. ЦIийи муькъуь 1957-йисуз эцигнавай гилан муьгъ эвезда. Россияди гьа са вахтунда яхди фидай рехъни тухуда.