Куьмек гуда Хабарар  |  6(311) 2017  |  САМУР
     Дербентдин тарих, адан медениятдин ирс вири дуьньяда теблигъ авунин карда дагъустанвийриз Италиядин ОНЛУС институтди куьмек гуда. «Дербент - 2000» туриствилин меркезди ва ОНЛУС институтди кутIуннавай икьрардив кьадайвал, цIийи технологийрин куьмекдалди Дербент вири дуьньядиз сейли ийида.
     Италиядин виридалайни къадим кIелейра, туристар къвезвай чкайра Дербентдиз талукьарнавай экспозицияр къалурун къарардиз къачунва. ОНЛУС-дин пешекарри вилик квай мурад кьилиз акъудун патал гьакIни тайин тир мярекатар кьиле тухуда.
 
Тамилла БЕКЕРОВА,
Дагъустан Республикадин
Дербент шегьер, муаллим.