КIвалахдай чкаяр Хабарар  |  9(303) 2016  |  "САМУР"
     Югъ-къандивай мадни абад жезвай Хачмаза кутунвай цIийи паркари, цIийиз эцигнавай дараматри шегьердиз лугьуз тежедай кьван иервал гузва. Гьа са вахтунда райондин меркез хьиз, адан хуьрерни абад жезва. Хуьрериз цIийи рекьер тухун, абур газдивни хъвадай цив таъминарун, цIийи мектебар эцигна кардик кутун ина адетдин кардиз элкъвенва. 
     Хачмаз гьакIни чкадин агьалияр виридалайни гзаф кIвалахдай чкайрив таъминарзавай районрикай я. Гьукуматдин кьвед лагьай программа кардик кутурдалай инихъ районда 8938 кIвалахдай чкаяр ачухарнава. Абурукай 5197 даиманбур я. Алай йисан 9 вацран къене 1210 ихьтин кIвалахдин чкаяр ачухарнава. Гьа и карди агьалийриз гьам санайидин, гьамни хуьруьн майишатдин карханайра генани хъсандиз кIвалахдай мумкинвал гузва.