Мярекат кьиле фида Хабарар  |  4(298) 2016  |  "CАМУР"
     Алай йисан 3-4-июндиз Бакуда Дуьньядин азербайжанвийрин IV съезд кьиле фида. Мярекатда 49 уьлкведай атанвай 500-далай гзаф инсанри иштиракда. Идалай гъей­ри Азербайжандихъ галаз дуствилин алакъаяр хуьзвай уьлквейрайни 50-дав агакьна тIвар-ван авай сиясатчияр Бакудиз къведа. 
     Мярекатдал III съезддилай инихъ кьиле тухванвай крарикай, Азербайжандин гьакъиндай вири дуьнь­ядиз малуматар агакьаруникай, и месэладал гьалтайла аямдив кьадай методрикайни информациядин технологийрикай хъсандиз менфят къачуникай, жегьилар диаспорадин гьерекатдихъ ялуникай ва са кьадар  маса месэлайрикай веревирдер ийида.