Уфтан хьана "Самурдин мектеб"  |  2(296) 2016  |  "САМУР"
     И йикъара Дагъустан Республикадин Кьурагь райондин 1-нумрадин юкьван мектебда чкадин чирвилерин идарадин информациядинни методикадин меркездин регьбервилик кваз Дагъустандин лезги зарийрин эсерар фасагьатлудиз кIелунин конкурс кьиле фена. «Хайи чIалаз кьвед лагьай нефес» девиздик кваз тухвай мярекат 11-синифрин аялар паталди туькIуьрнавайди тир. Конкурсда райондин юкьван мектебрин 11-синифрин гъалибри иштиракна. Ина сад лагьай чка 1-нумрадин мектебдин 11-синифда кIелзавай Назиле Къа­зиевади кьуна. Гила ада республикадин конкурсда иштиракда.
     Н.Къазиевади лезги эдебиятдин классик­рин, гьакIни алай аямдин зарийрин гзаф эсерар кIелнава. Адан хайи эдебиятдал гзаф рикI ала.