Чешне яз къалурна Редактордин гаф  |  2(296) 2016  |  "САМУР"
      Са шумуд югъ инлай вилик Къебеле районда «Мултикультурализмдин Азербайжандин модель: дуьньядин бегьем чешне» темадай конференция кьиле фена. Республикадин миллетрин, мултикультурализмдин ва диндин месэлайрихъ галаз машгъул тир гьукуматдин советникдин къуллугъди, Республикадин Агъсакъалрин Советди, «Азербайжан» газетдин редакцияди ва Къебеле райондин крар кьилиз акъудзавай идаради санал арадал гъайи и мярекатдал къейд авурвал, гзаф халкьарин векилар яшамиш жезвай Къебеле Азербайжандин мултикультурализмдин чешне я. Инал райондин агьалийрин 78,9 процент азербайжанвияр, 17,1 процент лезгияр, 3,7 процент удинар ва амайбур маса халкьарин векилар тирди, абур санал стхаяр хьиз яшамиш жезвайди, юкьван мектебра лезги ва удин чIаларал, гьакIни са бязи мектебра урус чIалал тарсар гузвайди кьилди къейд авуна. Эхирда райондин чара-чара халкьарин фольклордин группайри концерт гана.