«Лезги газетдин» 95 йис Хабарар  |  11(294) 2015  |  "САМУР"
     Вичин 95 йис хьанвай «Лезги газет» халкьдин рикI алай газет я. Ада халкьдиз вичин тарих, чIал, меденият, ацукьун-къарагъун чирунин карда чешне къалурзава. Ам цIудралди къелемэгьлияр патал халисан мектебдиз элкъвенва. Газетди къарагъарзавай хци месэлаяр халкьдин рикIяй хабар гузвайбур я. Вахтунда гьял хьайи гьар са месэлади чаз генани вилик фидай мумкинвал гузва.
     Газетдин юбилей къейдзавай йикъара адан кьилин редактор, чи тIвар-ван авай журналист Агъариза Саидова лагьайвал, гьикьван четинвилер акьалтайтIани, «Лезги газет» садрани Дагъустандин амай милли газетрилай кьулухъ галамукьдайди туш. Ам гьамиша вилик жергейра хьана ва гьа вилик жергейра амукьдайдални шак алач. «Самур» газетдин коллективди «Лезги газетда» кIвалахзавай чи къелемдин  дустариз юбилей мад гъилера тебрикзава ва абуруз цIийи агалкьунар тIалабзава.