ТIвар вине кьазвайди Чи тавдин кIвал  |  8(291) 2015  |  Айнур БАЙБУЛАТОВА
     Сумагъаллы хуьруьн юкьван мектеб неинки Исмаиллы райондин, гьакIни Азербайжан Республикадин кIвенкI­вечи мектебрикай я. Эхиримжи йисара ам акьалтIарай гзаф гадаярни рушар вини баллар кIватIна вузрик экечIнава. И агалкьунин кьилин себеб мектебда чпин пешедал рикI алай муаллимри кIвалахун я. Алай девирдин четинвилериз килиг тавуна эвелан хьиз галатун тийижиз аялриз илимдин сирер чирзавай и зегьметдал рикI алай къени инсанрин алахъунар акур хуьруьнбуру абуруз икрамзава.
     Ихьтин муаллимрик Арзу Мирзее­вани акатзава. Физика предметдай тарсар гузвай и дишегьлиди аялар кIе­лунихъ ялун патал вичин рикI шем хьиз куькIуьрнава. Ам мектебдани, хуьрени савадлувилин, зегьметдал рикI хьунин, къенивилин чешне я. Эвез кIан тахьана аялар чирвилерив агудун, абурун гъил фак агакьарун патал алахъунар ийизва ада.
     И лезги хуьре дидед чIал хуьн патал вичелай алакьдай крар ийизвай, «Самур» газетдал рикI алай Арзу Мирзеева и мукьвара чи редакцияда мугьманвиле хьана. Вичин экуь ихтилатралди чи коллективдин рикIе гел туна ада. Арзу ханумдиз чна цIийи кIелунин йисуз мадни чIехи агалкьунар тIалабзава.