2016 – йисни чимиди жеда Хабарар  |  8(291) 2015  |  "Самур"
     ЧIехи Брита­ниядин метеорологри 2016-йисни гзаф чи­ми йис хьиз тарихда гьатда лагьана малумат ганва. Абу­ру лагьайвал, дуьньядин са пата инсанри чимивилерикай азият чIугвадай чIавуз Европада гад сериндиз алатда.
     Алай йисан гатуз гьава 1990-йисав гекъигайла 0,68 дережа кьван артух чими хьана. Пешекарри къейдзава хьи, Секин океанда температур хкаж хьуниз таъсирзавайди Эль-Нино вакъиа я. Гьам себеб яз океандин ятар терсина патахъ элкъвенва. Гьар вад йисалай сад кьиле физвай и вакъиадин нетижада кьурагь яз-яз марф къвазва, гьакIни марф къваз-къваз кьурагьвал арадал къвезва. 
     Ихьтин гьалар къведай йисузни жеда. Метеорологри лугьузвайвал, 2016-йисуз Кьиб­лепатан Африкада, РагъэкъечIдай Азияда ва Филиппинда кьурагьвилер генани артух жеда, Кьибле Америкадиз гзаф марфар къвада, Калифорнияда кьурагьвилер куьтягь жеда.