Маниди эверзава Хабарар  |  6(289) 2015  |  Айнур БАЙБУЛАТОВА
     Алай йисан 29-июлдиз Дагъустан Республикадин Ахцегь райондин Луткун хуьре «Лезги сес -2015» тIвар алаз сад лагьай манийрин фестиваль кьиле фида. Лезги манидин дережа хкажун, маничийрин арадай виридалайни хъсан ван авайбур ва манияр пешекарвилелди тамамарзавайбур хкягъун патал арадал гъидай акъажунрик 16-40 яшарин инсанар акатда. 
     Жюридик тIвар-ван авай вокалист Селим Аллагьяров ва харусенятдин маса сейли векилар ква. Гьикьван вахт я фестивалдиз гьазурвилер акваз. Чна чи халкьдин харусенят хуьн ва вилик тухун патал арадиз гъизвай и акъажунриз чIехи агалкьунар тIалабзава. Чи сегьнейриз лайихлу маничияр акъатдайдак муд кутазва.